BB 好去處 : 拔紅蘿蔔 @ 農莊 (Carrot picking @ Farm)

話說 BBs 太婆婆及太公公以前是種菜的，家住村屋，屋前及附近有數塊菜田，所以媽媽我小時有很多親親大自然的機會，可以時常與蝴蝶、蜻蜓、蝸牛、雞雞為伴，夜間又可以睇星星，亦因為這樣，我是非常非常喜歡綠油油的菜田的 ~ 最鐘意幫大人收割新鮮蔬菜，然後睇我外公做菜，一齊食自己收割的蔬菜，而當中最好玩的要數 “拔甘筍“！(其實我到而家都好鐘意 ^O^)

BBs 14個月大時已經好鐘意摘士多啤梨 (有得玩有得食), 踏入2歲嘅BBs 越來越好動，亦大力了很多！早兩個星期因為有 function 到粉嶺，所以順道去了一下有機農莊摘蔬菜，亦同BBs試一下拔甘筍~

彩虹有機農莊

地址: 粉嶺鶴藪DD 76地段
電話: 9302 0258

 開放時間：上午9時至晚6時，全年無休。

網址: http://strawberry-farm.com.hk/
入場費: 港幣$5 (可於買蔬菜結賬時回贈)
價格: 時令價 (可先致電查詢)

這裡地方算大，有很多蔬菜種類，不同季節有不同的蔬菜，12月有甘筍、白蘿蔔，番薯，粟米，羅馬生菜，士多啤梨 (不過士多啤梨要遲一點才有~ 去之前可先致電查詢)

BBs第一次拔甘筍，好好好開心啊！

 一入園有小魚池

 

 之後有小白兔

 第一站當然是我的目標: 甘筍田

 營孖媽小貼士 :  有好多小蚊, 所以要塗防蚊水啊~

先教一下BBs如何找出成熟的甘筍~ (在泥上, 有露出少少橙色的) 也教一下如何拔出來 (對於2歲的小人兒, 其實是需要好用力的~)

好喇, 在旁邊學習了一會兒, 是時候自己四處搜索一下甘筍先~

兩個小人兒被包圍了~ 甘筍田變得好像森林啊!

 

好像找到了吧!

  

家姐BB: 實在太太太有趣了吧! 原來平日吃的甘筍是這樣來的!

  

 看到BBs滿足地拿著甘筍放到籃中, 媽媽真係好好好開心啊~

 

白蘿蔔是不是很可愛呢?

營孖媽小貼士 : 已露出來一大段的白蘿蔔, 看似很可愛, 但其實代表好"老", 不適宜吃啊!

另外, 也不適合小朋友拔, 因為葉莖有好多"小刺"~~

BBs雖然鍾意粟米, 不過粟米"樹"比較容易有毛蟲爬過, 如皮膚接觸, 會非常痕癢的啊!!! 所以不建議小一點的小朋友摘 (而且他們也不夠高吧...).

本來都好想摘士多啤梨, 不過仲未有啊~~ 農夫叔叔話要等多兩星期呢~~

 兩隻小豬好專心一邊聽婆婆講解, 一邊睇爸爸掘番薯啊~ (大家見到番薯嗎???)

營孖媽小貼士 : 不是每條番薯藤都一定連著番薯的, 所以還是請農夫叔叔幫忙找一下吧~ 如有的話, 通常是有幾個在一起的~ good luck!

爸爸幫忙用鋤頭仔慢慢勃開泥土, 家姐BB就可以拔出番薯了!

 

 咦....... 點解拔番薯的是家姐, 但拿著的是妹妹??? (我也記不起了!)

因為不是即時回家, 所以只帶了一點蔬菜回家

 BBs 今日真的盡興! 很快就可以摘士多啤梨了! ^O^